كلمات أغنية الوصية
لا سلام منك وما منك تحيه
للوراك خليتو عايش في الاسيه
ما حرام يا الفنجري ما تسيب وصيه
كنت زي طيرا غريب سافر عشيه
ما قبيل وصوني يا حليل الوصيه
كت مكضب كنت ناسي
دابو صدقت المفارق عينو قويه
السواقي النايحه نص الليل حنين الدنيا ممزوج في بكاها
زي طيورا في الفروع محتاره بتفتش جناها
البيوت والناس بتسال عن صبيه
فارقت حلتنا زي طيرا غريب سافر عشيه
ما حرام ماضيك يصبح ليك اسيه
يا سلام لو كان جفاك بي حسن نيه
كنت نسيتنا الوصيه
المفارق عينو قويه
اوعى ليل الغربه ينسيك ريحه الطين في جروفنا
والتميرات البهبن ديمه راقصات في حروفنا
والدعاش والغيم رزازا في العصير بالفرح بلل كتوفنا
نحن راجعين في المغيرب للديار ما حد يشوفنا
لا نشوفو
لا يشوفنا