كلمات أغنية فارس وسط الحرب

ليا في جيوبكوا فلوس متحضونونيش بالبوس

عالم دماغهم فاضية مفكريني كروديا

احضانكوا كلها سم ربنا يهدي النفوس

اتقطعت الاحبال واتقفلت الاقفال

بقى اليمين مسدود والكل ماشي شمال

حتى اللي كانوا اسود وقعوا وحالهم مال

ويا عيني ع النمور لما يشوفوا المال

عيشنا وشوفنا قرود بتحارب الابطال

على فكرة للتوضيح اسف بدون تجريح

شايف بعيني الريح بقت تهز جبال

ياما ناس كانت اعلام وطلعوا اي كلام

ميغركومش القول الرك ع الافعال

سامع كلامكم وش اصل الكلام بطال

واللي في وش مقالش دة في ضهري لف وقال

عاتبت وش في وش ضحكوا وقالوا معلش

ضحكت انا ع الغش اللي في وشوشهم بان

عالم دماغهم فاضية مفكريني كروديا

اكمني دايما ساكت فاكريني مش فهمان

الصمت كله وقار يا صحبة الاوكار

انتوا الضيوف عندي وانا اللي صاحب الدار

ليا في جيبكوا فلوس متحضونونيش بالبوس

احضانكوا كلها سم ربنا يهدي النفوس

عايش في وسط حروب فارس في وسط ميدان

شايف اللي كله عيوب لابس توب الجدعان

في الدنيا سالك القوي والندل والفهلوي

والضرب يوجع اوي لو جه من الغيلان

انا عادي مش زعلان مش بزعل ع اللي راح

والله انا الكسبان دة هم كدة وانزاح

حسين غاندي غنى بادائه يوسف اوشا وسع بقى نادو

كلامه جامد اوي وشديد دة النجار صاحب الجديد

اسامة حريقة يعني الرجولة معروف يا صحبي من يومه بطولة

دة موقع مهرجانات الاساس نجح يا صاحبي بحب الناس

من اعماله : واقف في ارض الغجر | يا شدة شدي | وصية مسجون | مكنش اختياري | بتحاسب | كله بيعمل باصله | بحر الشوق | اصحابكم بتغفلكم | قمر عالي | لوحدي تمام | امشي وسيبيني | يا عم الدنيا | بتوعديني ليه | ابيض واسود | كل حاجة اتغيرت | نسمة هواها