كلمات أغنية شنو رايك

شنو رأيك نتفق
بيتك يصير احضاني
واتعيش كل عمرك الي
وتوعدني ما تنساني

وما تنطي نظره لأي بشر
ومتشوف عينك ثاني
ومتفكر انت تبتعد
وابقى بحياتك اني

هذا اني طبعي
احب اتملك الاهواه
اريده اگبالي بس الگاه

يا واحد احسابك الف
يا حلمي يا دنياية
غرامك ابگلبي مثل
انفاس ريتي هاية

ماريد لحظه نفترگ
لتجيب هاي السيره
هو اني لكليبك عشت
ماريد اعيش الغيره

شلون اعوفك اني
ماسويها وين اگدر
يللي حبك انت
يوميه يزيد اكثر

اني جدا مستعد
لعيونك الغي العالم
وماشوف غيرك لا ابد
يا احلى وارقى ابن ادم

ماحب بديلك يا بشر
تفهمني لو ما فاهم
وحدك حبيبي للگلب
حرفيا انت راهم

انت واحد غالي
وجمالك انت مو معقول
اتركني ابحبك اني
حبيبي دائما مشغول

اني احبك وافتخر
واتباها بيك اهوايه
ومستعد ابقالك عمر
مادام انت اويايه

حنيتك وحرصك علي
ونظرات هاي عيونك
ماعوفك حبك للابد
الدنيا توكف دونك

انت انت انت
عايش عايش ابدمي
يعني كلك مالي
حبيبي منكتب بأسمي