كلمات أغنية يالخفوق

يالخفوق اللي احبه حيل وأطمع في رضاته
رغم كل اللي حصل مـا قلت يغرينـي بديلـك
ان رسمتك عين قال الحب الله يا حلاتــه
وان كتبتك شوق كل حرف من أعماقي يشيلك
قلت بنسى وعلميني بس ليلي كيف اباتـــه
وقلتي أسلا وقلت مقدر اه يا صبرك وحيلـك

وأنجبر قلبي قبل لا اقول أرجـاك ودخيلـــك

انتهينا وكـل واحد له طريق في حياتــه
انطوت صفحة غرامي لـك وبادرت برحيلـك
خذ معك ابسط تفاصيلك وكل ما جاك هاته
جب مكاتيبي وانت اغلى مكاتيبـك تجي لـك

ما بقى باقي بقصة عشق أعلنــا وفاتــه

ابتديت الشوق بعيونك ورمشك وإلتفاتــه
غلطة الشاطر بألف وغلطتي ضعت بسبيلـك
ما حفظت أيام عشرتنا عن لسان الشماته
والا أنا حافظك حفظ دموع عينــي لا تسيلـك
وش تبي أكثر من ان العمـر في وده وهاته
سقت لك عمر قلوب الغيـــر تحسدك بحصيلـك

غير قلبك ما تجرأ قلب سوا بـي سواتــه
يا اول طعون الغرام أموت ما أجي لك دخيلك
حدني يمك غلا مدري ولــه مدري شراتـــه
خافق طامـــــع بكسبك لين مـا عود قتيـــلك

اتركي باقي جروح هزها الوقــت بجراتـــه
ما عرف هالحب قدري يوم قرر ينتحي لــــك
قلبي اللي حبك وصانـــك الى حد إستماتــه
يرتوي طعم الهمـــاج ولا يقرب سلسبيلك

هذا هو شعري زكاة لك وافكــاري بناتـــه
من كتبتــه فيك صــارت اجمل ابياته تشيلك

باقي لك وسط خافق كان حبك به حياتـــه
السلام وحشمة العشــره وشعر ينتمــي لك
وإلا انا مقفي وعيب ع الذي يقفي إلتفاته
لو تصوت ما سمعت ولو سمعتك ما اجي لك