كلمات أغنية همس المحبة
- كلمات
- مانع بن سعيد العتيبة
- ألحان
- حسين الجسمي
همس المحبه عند سيد المحابيب
تهدي زوايا الحب انس ومسره
همس معاه الوقت وقلوبنا تطيب
باحساسنا انحلق حوالي المجره
ريف العذارى فيه نفحه من الطيب
يدمن عليه الصب لي شم مره
ومنادم الاحباب ما داخله عيب
ساعه صفا والحاقد ايموت حره
الا الحبيب اللي لزيم المواجيب
لي صار ما بين الحنايا مقره
الطيب الغالي وسيد الغراشيب
ورد المحبه في مداري يذره
نوره كان الشمس من قبل لمغيب
والا قمر والداج خلفه يجره
يمشي وساقه مثلما نزغه الحيب
يخضر قاع ان تخطر ومره
كيف اوصفه ووصفه فنون وتعجيب
بين اللالي يحسب الزين دره
من عينه النعسا ترى العاشق ايشيب
وممكن على العاقل تسبب مضره
غالي ورد في اليوف عذب المشاريب
صار الوحيد اللي بحبي ابره
راس الامل والحلم واغلى المطاليب
اللي فوادي بلسم الحب غره
كل ما فتح عينه ثنيت الترحيب
وزاد المحبه في فوادي اشره
الحب له تقدير عندي وترتيب
نزيه خالي من عتاب وتشره