كلمات أغنية سادتي

سادتي عندي رجى فيكم
توصلون محب اغلاكم

من رحلتوا دوم يطريكم
يوم راس المال ذكراكم

طيفكم لو مر يلعيكم
خاطره يذكر ملاواكم

شوق لول يوم ياتيكم
ضمكم قبل يتحفاكم

وين ماسرتوا يخاويكم
خلكم مايصبر بلاكم

لو يواقعكم يحاتيكم
يبعد الذمه عن خطاكم

من كثر حبه يواليكم
لو خطيتوا وقف وياكم

وان رمستوا مايعاشيكم
وان طلبتوا الساع لباكم

فالبشر منهو يساويكم
بالحلا فقتوا ومعناكم

صعب ياتي من معاليكم
لي يساوي تراب موطاكم

زين حظه لو يلاقيكم
واجزل الشرغات روياكم

ويتصوخ من حكاويكم
تسعد الخاطر مناجاكم

ضامي وحوله مياريكم
لو على رشفه ترشاكم

ياعسى ربي يخليكم
دوم يعلي هب بلياكم