كلمات أغنية راعي الزين

النجمه اللي على كبد السما بانت
باسمى الاماني غدت تغفى على خدك
زانت حياتي ودنيا عاشقك زانت
يا راعي الزين حزت الزين من قدك

مشاعري فيك طول العمر ما هانت
مكانها معتلي في منزله ودك
لو تسقط السبع فوق السبع ما خانت
ما دام قلبي لطول العمر في يدك

لجلك احاسيس قلبي للغلا صانت
اتفضل الروح كان القلب ما سدك
لك المحبه حبيبي مثلما كانت
ولي قلب والله لا ردك ولا صدك

اقلوب ياما من اسباب الهوى عانت
وانا استمد الوفا والطيب من عندك
فرصه علاج العشق لاهل الهوى حانت
جد لي بوصفه ومد القلب من مدك

اقسى الخوافق متى ما شافتك لانت
تكسب بطيبك وصدقك كل من ضدك
محبتك ناضلت للحب واتفانت
يا بانيا بالوفا سورك على حدك