كلمات أغنية خطير

خطير في طبعك خطير بلونك

خطير يا ربي يكون في عوني

واللي يحبك صار لك مجنونك

وانا احبك موت لو لاموني

خطير يلي تمتلكني عيونك

اقرا جنون الحب وسط عيوني

لو هز في يوم الغرام ركونك

انا من اسبابك تطيح اركوني

مظنونك اللي تعرفه مظنونك

وفيكم حاشا لا ما تخيب ظنوني

يا اغلى البشر اقولها ممنونك

ان دار فنجان الغلا قهووني

متصوع(ن) من سبتك مفتونك

و غيرك فلا انسان يدخل كوني

يكفي تلم الليل فوق متونك

واذا انتثر يا اهل العشق ثيبوني

اسكر بمسك التبت ريح غصونك

ان هب من عودك يجن جنوني

لانك خطير بشكلك ومضمونك

عليك كل الناس بيحسدوني