كلمات أغنية نهر يم النهر
- كلمات
- رضا درويش
- ألحان
- حسين الاكرف
مـال الـعلم مال يعـيـن الله يخيه
يـالعارفه الحال غـدا انتي سبيه
راح راح نهــر يم النهر
راح راح يا زينب القمر
يخت القـمر ما ظــل قــمر راح اللي ما فارقني لحظه ابعمري
صوب النهر ظهري انكسر هذا آنه راجع وايدي تسند ظـهري
راح الـوفـي لا تــوقــفـــي رجعي الخدر سلمت الى الله أمـري
لا تــرقــبـي إلا الــســبــي راح اللي ما يرضى دموعج تجري
روحي للخيمه اوشوفي شلون ما بيها عمد
راح ابوالغيره الشهم راح شـــيــال العـلم
عالصـبــر الله يــعــيـنـج يا عــقــيـله
ميعود أبو الجود إلى الأيتام رجعي
لو بعده موجــود أبد ما سال دمعي
طاح طاح قلبي على الأثر
راح راح يا زيـنـب القمر
بالمــشــرعـه صوت أسمعه بس من شفت صعبت عليه الشوفه
قــلبي انكسر هــذا الـقـمــر واعـيـونـي صارت في الوجن مذروفه
صــوبـه علم بـس كـلـه دم وجروحه غــطت يا عقيله اوصوفه
ابعـيـنه سهم راسه انهشم مرمي على الشاطي قطيعه اجفوفه
ودي يحضرني اخـويه احسين يم الـمشرعه
دمي في عيني جمد انفضخ راسي بعمد
ودي بس يحـمـل ســلامــي للعـقـيله
قتله أنه احسين ولازم أعتني لك
بس افتح العـين إلى الخيمه بشيلك
صاح صاح بدموعه واعتذر
راح راح يا زيـنـب الـقـمر
لا تـسـألي عن حـالـته ما عنده جف ما يقدر اعله النهضه
راس تـرى فوق الـثرى كــلـما اشيله اعله الحجر ما يرضى
صرت أسأله شنهو السبب خـل ارفـعـك يا خويه من هالرمضه
گــلــي لجل مـثـلك أظــل يل جـسـمـك اخـيول الأعادي ترضه
من يجي لك خويه من اتطيح من فوق المهر
بالشمـس مـرمي تـظل يحسين خدك يـنصهر
خله راسي اعلى الثرى والحــراره تـصــهـره
المهم لا تـنـظـر اجـروحي العـقيله
خليته مطـروح بلا شماله ويمينه
ما يقدر يشوف سهم نابت في عينه
ناح ناح من حالته النهر
راح راح يا زيــنب القمر
مو صــابره دمعج جرى معذوره يختي وآنه دمعـي بعـيـني
لكــن إلــــج بــاقــي بـعـد مصرع بعد ساعه ترى اتودعـيني
واتــقــدمـي لــيـه الجواد وأصرخ ألا من ناصر اتسمعيني
وحدي صرت ما ظــل أحـد هــذا الــوداع اومــا بـعـد تـلـقـيني
مو صــابره دمعج جرى معذوره يختي وآنه دمعـي بعـيـني
لكــن إلــــج بــاقــي بـعـد مصرع بعد ساعه ترى اتودعـيني
واتــقــدمـي لــيـه الجواد وأصرخ ألا من ناصر اتسمعيني
وحدي صرت ما ظــل أحـد هــذا الــوداع اومــا بـعـد تـلـقـيني
بس تلاقــيـنـي عـلى الـتـربان مرمي بالعره
والشمر صاعد على الأضلاع نحري ايهبره
تسمعين امن السمه صــوت أمنه فاطمه
تصرخ ابحسره حسينا واحسيناه
ساعه وتشوفين أشد وأعظم مصيبه
ساعـه وتــفـرين من الخـيـمه اللهيبه
لاح لاح يا زينب السفر
راح راح يا زينب القـمر