كلمات أغنية جابو سيرتو
جابو سيرتو في وسط موضوع قولت اسمع
قولت يمكن احن تاني ويمكن ارجع
والكلام جاب بعضه فجاة بدات اركز
قالوا عايش عادي قالوا كلام ينرفز
سمعت عنه حاجات ياريت ماسمعتها
بيقولوا قابل واحدة بعدي وحبها
حاولت اتوه في الكلام على قد مقدر
مش عايزة اسمع حاجة عنه وعنها
مقدرتش/كان نفسي اهرب من كلامهم
خوفت امشي لياخدوا بالهم
ولو مشيت هيبان عليا
واخاف لا ضعفي يبان في عيني
يا ارض انشقي وابلعيني
قبل ما يبان اللي فيا
جابوا سيرته في وسط موضوع قولت اسمع
وقفت حياتي كلها في اللحظة ديا
وكاني تايهة ودنيتي بتلف بيا
من ارتباكي وحزني كنت بداري وشي
قولت اعذروني انا لازم اخد بعضي وامشي
وهي دي الجملة الوحيدة اللي قولتها
وسمعت صوت بيقول سيبوها لوحدها
وتعدي كل الذكريات قدام عينيا
معقول خلاص كل اللي كان بينا انتهى
كان نفسي اهرب من كلامهم
خوفت امشي لياخدوا بالهم
ولو مشيت هيبان عليا
واخاف لا ضعفي يبان في عيني
يا ارض انشقي وابلعيني
قبل ما يبان اللي فيا
جابو سيرته في وسط موضوع قولت اسمع