كلمات أغنية الكوكب

الكوكب كترت اوحاله
والاوحال محتاجة لولعة
والانسان مش واخد باله
اصله يا عيني مجرد سلعة
والسلعة محتاجة تسويق
والتسويق عايز اعلان
والاعلان محتاج تزويق
والتزويق عايز فنان
والفنان دايما مذعور
بينفذ امر السجان
والسجان عبد المامور
والمامور دايما شبعان
لامؤاخذة ف ايده الكرباج
على ضهر الكوكب بيدور
بيلسوع ويطق شرار
والحاشية تالف اشعار
على صوت كرباجه المسعور