كلمات أغنية الحق ما بيموت

الحق ما بيموت

لبنان جنة مقدسة .. اوعا تخاطرو فيها
هيدي وصية مكرسي .. ومجد الرب حاميها
الانبيا مشيو .. على تراباتها
والارز فوق جبالها .. حامي شواطيها
حامي شواطيها ..
لبنان راح يرجع .. والحق ما بيموت
والعين راح تدمع .. صوت الهوى بيروت

من هون ما منفل .. حصرم بعين الكل
بها الارض بدنا نضل .. لو بقي خمس بيوت
والعين راح تدمع .. صوت الهوى بيروت

لا تقول بدي روح .. وتترك وطن مجروح
والروح لما تروح .. الجسد بدو يموت
لبنان راح يرجع .. والحق ما بيموت
والعين راح تدمع .. صوت الهوى بيروت