كلمات أغنية في الختامي

في الختامي المنتظر واخر فصوله
والحـدث اكبـر حدث كلن عنــاله

سيف غالي في الختامي حضروله
كل حـــايل نادره سبـــق وسلاله

كل اقطاب الهجن قــد اسسو له
نقـــوة انتاج الشيوخ ولي شـراله

ونخبة اهل الضمر عدو ضمرو له
ولاذخرو بالجهــد بضمار وذلالـه

تخطـف الناموس دوم بكل حاله

جـــابت اللي مثلت شعب ودوله
لحقت لحوق الفهدسبق وبساله

وسجلت تيم حـدث ماحـد حوله
في الخليج التيم ماسجــل مثاله

رئيس الدوله محمــد نومسو له
شيخنا اللي كل عــز ومجــد ناله

بالكـرم والطيب تشهد له فعوله
لأعطت يمناه ماتــــدري شماله

كيف ماتسـبق هل السبق ذلوله
وبالصخي والجود كاسيها جماله

يولته لسبـــق نامــوس ورساله

ضامنن للسبق جوله بعـد جوله
يداعم المركاض في شتى مجاله

وعاش بوحمدان نومسنا بدوله
وسيف بوخــالد تعزوابه وشاله

المخطط لنصر وارهي بوصـوله
يرســم الأهـداف ويحقق مناله

النصـــر والفوز ماياء بالسهوله
حققه سلطان بجهـــود وعباله

قـــاد أسطول الرياسه للبطوله
خمسة سيوف اخذهن حي فاله

صوب قصر البحر اندبهن رسوله
قصــر شيخ فـارق طيب وجزاله

ركن مجد وفخر لشعوب ودوله
أسسه زايـــــد وقامو به اعياله