كلمات أغنية طرحكم فأهل المجاويخ قبل عيالها

ماقدرت أبعد عن الشعر واعتزله واصوم
وكل فكره نادره قد ملكت عقالها

أسترح يا يوسف ولا توصي ومخدوم
القريحه جالها دور ما قد جالها

جتك عصما تقسم الحيد وتنوش النجوم
ناشد قبل اخذ بيدها عن خالها

مدح ابن عمي علي واجب اكبر من لزوم
كيف لا صار أبلج كل وقفه طالها

لين نفنى والهلا ما قصرنا حبالها

بأسمكم يا عيال مخلد أرحب بالعموم
والرياجيل اتقلط وتنطح فالها

يدرج عود معتق وبغداد تحوم
ولا نردد غير ترحيبة حنا لها

في محل عيال راشد معادين الخصوم
يوم نجد بنيه ولا وصل رجالها

من يشوف ركابكم تضرب الاض وتهوم
شاف له عقدة ماوالله ولد حلالها

من على وقت الشداد وقبل وقت الختوم
يوم للسيف اقتلا وللفرس خيالها

طرحكم فأهل المجاويخ قبل عيالها

يا هل الفاحج هل البل محطمة الرقوم
وسم ينطق ليا شيف تحت جلالها

انتم اهل الاوله وانتم كبار العزوم
عزوة مافيه غير الفخر يبرالها