كلمات أغنية صيف الجنوب

يالله يا الربي مغيث الملاهيف
مرسي جبال الارض مكمل قمرها

أنت الوحيد اللي بيدك التصاريف
يا خالق الأنفاس متمم سيرها

غثنا بغيثن مستهلن مراديف
ياعالم الانفس بسر وجهرها

يسقي بطون الأرض ويسقي المشاريف
نون حقوقن مستهلن مطرها

تسولف العربان وكلن ذكرها

وشدو لها البدان تطوي الهفاهيف
زاعت لها الركبان من اقصا ديرها

ترتع بها البل لا كست كلها ريف
وقامت زواهرها وفاحت خضرها

يازين شوف الرعي ملا الطفاطيف
تسمن بها العرا ويبني ضهرها

فيه الهشيشي غادين له تحافيف
وفيه الزهر والعندبه ماتحقرها

فيه الرعي من كل نوع وتخاليف
مختلفتن في صغرها وفي كبرها

والخد طيبه سهلها مع وعرها

صوت أم سالم فيه تسجع غطاريف
اتلاعب اللحان بصوتن جهرها

هاذا كلام الصدق ماهو سواليف
حقايقن بصدق كلن خبرها

ولا صيفت فيها زيان التواصيف
سود ومغاتيرن وصفر وحمرها

البل لها حكمه وأيه وتصنيف
ف اشكالها وف الوانها وفي وبرها

حليبها ينطح وجيه المضايف
والعافيه في لحومها وفي وزرها

سبحانه ألي جعل فيها عواطيف
سبحانه الخالق مزين صورها

ثم شدو البدوان ورخو المصاريف
في شفها دايم مهيب اتعسرها

يا زين لازاعو بذكر العواريف
بعد ما عسوها وحافو ديرها

الكل منهم مافي علمه تخاليف
يذكر ديارن مستجلن دهرها

زاع الدبش يبراه صبي التكاليف
يعرف لها ماردها ولا عسرها

في شفها في برد ولا عواصيف
يثني لها الركبه وعينه سهرها

ونا بصوف منوتي يا المعاريف
سودن سناد راهيه من صغرها

سودن زهت ل الزين ماهوب تزيف
فجحن من المدور وسيعن نحرها

كنها تخايل من يجر الغطاريف
وسنامها متفهقن في ضهرها

والحي طافح والذاني مشاريف
طوال الشوارب راهيه في عمرها

ايهد فيها فحل زين التواصيف
بمر الولي ايعزها ويعمرها

اسود سنادن والخشم فيه تقنيف
واليا مشى كنه بياطا جمرها

افجح من السيقان ولاحيف ماعيف
فيه انتلاله وخطوته ما قصرها

هاذا الفحل يا ناشد امن التعاريف
انشد ونعطيك الجابه خبرها

لا صكت الحلقه وكثر التخاليف
يفرق وخصمه ف المواقف قهرها

يرعونها ربعن تحب التطاريف
ترعا الطرف والكايده اتعبرها

يما رعت في قافرن به تجازيف
ويما قطعت من تختن ماعسرها

ترعا الجنوب اليا جا وقت المصايف
وترعا الشمال اليا تقدم مطرها

يا زينها لا ربعت من وراء طريف
في خايعن نبته عبيرن زهرها

ويزينها لامن اجنبت في تخافيف
صوب الديار اللي مساس مقرها

ربعي جنبها مروين المراهيف
يستاهلون النعم لا جا ذكرها

حماية التالي هل المجد والسيف
يوم الجزيره بلحرايب شهرها