كلمات أغنية بوم بوم
- كلمات
- الشاعر الفاجر
- ألحان
- تيتو بندق
كلها لابسه الوش
حقد وغدر وغش
ناس من القوي بتكش
عشت ضعيف ماتعش
ناس كدابه بشكل
بتبصلي في الاكل
في جنان ومافيش عقل
ومافيش حد يحل
علي باب الحارة يابا
خرفان لابسين ديابه
في زياده في الكابه
والكل مش مبسوط
تعبانه ومش معاها
والدنيا حالها مايل
واخده ترند التفاهه
ابطال تحت الارض
والشوك فوق الورد
كله عامل بيج بص
بقي كله بيرقص
انا خسيت النص
من التفكير والبص
اسفين جدا ياخاله
علشان في ناس زباله
ازاي دول يلحقوكي
في النداله
الموت جي في فلاشه
دوس جدا مانت باشا
بتبين المحبه
وانتي مخبي الوحاشه
خنقه وحرقه دم
الله يسهلك عم
اهدالي بقي واتلم
اتشقلبو بالعكس
عملو العالم ميكس
ناس قاعده في دوبلكس
وناس علي وشها اكس
وملاهي تجيب تلاهي
ومش لافت انتباهي
في الدنيا لسه تايه
مش عارف اتجاهي
القرد صبح كريزما
وعيال ملهمش لازمه
وابن الاصول يعاني
معاهوش يجبله جزمه
العين جابت اجلنا
اه يانا من الي جالنا
مش بنفكر في حاجة
ده احنا يدوب ارتجلنا
ده ولدها فارق بلادها
عدله كام صدمه خدها
اتقل ماهي جيه جيه
بس بتيجي في معادها
بوم بوم بوم مين زعلان هيضم
الدوا بقي في السم ومحدش مهتم
الحب بيتباع عايشين لوي دراع
ليل ونهار في صراع ضرب وموت وصداع
يامنجي من المهالك
مش لاقي حد سالك
يادنيا ليه بتاسي
ماتحن عليا مالك
علي نفسي وبس ساند
انا عارف اني جامد
مش بهرب او بداري
انا في الحياة بعاند