كلمات أغنية يلا امشو مع السلامه

يلا امشو مع السلامه

انا عمري ما كنت جاحد
دايما بحسبها واحد
بس اما فلوسي راحت
ملمحتش حد فيكو

ياللي كنتو يوماتي جنبي
بتكدبوا عاملين حبايبي
بكتوني ووجعتوا قلبي
ليل و نهار بدعي عليكو

اتمنى متبقاش واطي
افتكر الحلو ليا
ان جابولك سيرتي عادي

انا الشخص اللي كان
جنب منك من زمان
كنت ليك ضهر وامان
وعشانك اروح ضحيه

دلوقتي حليت في عينكو
اول ما بعدت عنكو
ده انا كنت فاكرني منكو
وصدمتوني بصراحه

من عقلكو امسحوني
لا هشوفكو ولا تشوفوني
من غيركو عايش في راحه

يلا امشوا مع السلامه
انتو اصلا ناس لمامه
شوفت منكم غدر ياما
ايوه مليت من وجودكو

هبقى مبسوط صدقوني
لما تمشوا وتسبوني
مش هموت من غيركو عادي
ولا حتى هتوحشوني

اليومين اللي احنا فيهم
صعب تلقى واحد جدع
حتى لو قربت ليهم
صدقني هتتلدع

انت لو هتربي كلب
مش هينكر لقمتك
عيش اناني بلاش تحب
انت اولى بصحتك

حتى اللي كنا معاهم
مشيوا لما احتاجناهم
باعونا وغدروا بينا
يارتنا ما حبناهم

خلاص مفيش محبه
طلعت اخر حبه
نيتكوا فاكرها سهله
واتاريها طلعت صعبه

انا حابب اكون لحالي
وانتوا خليكم في حالكم
اصل لو كان ايه جرالي
مش هشوف غير قله منكم

ماهما هحكيلكوا اللي شوفتو
عمركو ما هتحسوا بيا
ده انتو شوفتوني وكرفتو
متعملوش خايفين عليا

حب عمري اللي شاريها
باعت لما فلوسي راحت
خاينه ماطمرش فيها
وبسببها دماغي ساحت

نزلت صوره للكاشات
لاقيتها دخلت كلمتني
عاوزه نرجع اللي فات
قولتلها نو بلاش تحني