كلمات أغنية مفارقك غير - فتحي
اشتقت لك والقلب اذا اشتقت لك فز
يالي مكانك خالي ماسده الغير
هزيت قلب انسان صعب انه يهتز
هذا لانك غير ومفارقك غير
للبعد جرح وجرحك فخاطري حز
لين الهموم فصدري صفن طوابير
وان قلت لي اشحالك بجاملك واعتز
واقول اني بخير لو ماني بخير
والنفس عن كل زين من عقبك اتجز
تبغي السلامه واللي مكتوب بيصير
كانك تحبني مثل ما قلبي لك فز
الحين ابسمع صوتك بدون تاخير
هذا قصيدي واختصرته في موجز
والباقي عندك واسمع البيت الاخير
قالو الجبل ثابت وانا اقول يهتز
والحب له زلزال مايعرف اكبير