كلمات أغنية يطل القمر

يا قلب عثا فيك الزمان وطواك الياس
لا تبدي ملام الا على وضعك الحالي

تشوف المحبه شي اساسي على اي اساس
ما دام المحبه تدبل الكبد من تالي

تحدك على الضيق وتحدك على الهوجاس
وانا كل داعي شوق ياثر على حالي

يهون علي الشعر لا انفضوا الجلاس
يضمد جروحي ويتطمن على احوالي

يا شين القصيد ان صار خالي من الاحساس
يمر المسامع عجل ويموت طوالي

اذا ما تحرك منه قلب و تمايل راس
ما يطري على مهموم ولا على سالي

احسب اني اسلا كل ما ذعذع النسناس
تعبت ابتسم و ارجع على نفس موالي

اثر ما يسليني كلام بين اقواس
عن الصوره اللي ما تخليني لحالي

عليك السلام الوافر اللي بدون قياس
يا عنق عليه معلق باقي امالي

مع انك بعيددو طرقتك تتعب العساس
انا اشوف حلي فيك واشوف ترحالي

اذا ما بقا لي عودك المبري المياس
من احلام عمري ما اعرف وش تبقالي

يطل القمر والا يغيب القمر لا باس
الاغلى تهون ب حضرته قيمه الغالي

عن الطله اللي تنتظرها جميع الناس
انا ف انتظار الطله اللي على بالي