كلمات أغنية فتحت لك قلبي
- كلمات
- ابو ريلان
- ألحان
- بدر العزي
يا مزبن اشواقي ويا قمه الذوق
عذبتني واحرقت زهره شبابي
يا شهد ياسكر وياعذب منطوق
يا غيث قلبي من السنين الجدابي
عليك يا ريم المها خصر محزوق
لا سرت قدامي يضيق الفضا بي
تقول غصن البان في ضاح زاروق
تغار من زينك زهور الروابي
الوسط يتمايل على ردف مفهوق
يخلع معاليق الصدور الرحابي
قوام متناسق رشيق وممشوق
والصدر بستان الجناي ومطابي
ورموش عينك مثل حد الجنابي
الحاجب اقرن والخشم سيف مفتوق
الخد باقه ورد حلو الشرابي
ورموش عينك مثل حد الجنابي
اموت واحيا فيك يا أعز مخلوق
واهيم في ذكراك وافقد صوابي
فتحت لك قلبي وهو كان مغلوق
وسلمت مفتاحه وصكيت بابي
الفم كمثري ومشمش وبرقوق
وبيض الثنايا مثل روس الحرابي
والشعر ليل اسود على جمب مفروق
والنحر مثل البرق بين السحابي
الشوق له في خاطري رعد وبروق
ضامي وادور مايبين السرابي
مزجت حرف السين مع دم وعروق
بين الخلايا في ذهابي ويابي
على سماحه الروح لي قلب محروق
ياحب حطيتك على الراس من فوق
لعبت بي ياحب لعبه مبابي
اموت واحيا يا أعز مخلوق
اهيم فيك وافقد صوابي
غريق في بحر الهوى ما معي طوق
طوقي يدينك كان تحسب حسابي
يابعد قلبي للهوى شرط وحقوق
اخذ وعطى لايكون جوك ضبابي
تقدر تنسيني عنا الهم يا شوق
تقدر تسليني وتكسب ثوابي
صدق المشاعر بين عاشق ومعشوق
تفتح كتابك لي وانا افتح كتابي
جرح الهوى ماله علاجات ورتوق
تقدر تعاتبني وتسمع عتابي
ياصاحبي ماكل مطرود ملحوق
لاغبت عنك ما يطول غيابي