كلمات أغنية شريط الذاكره

تدري اني ما قدرت أنساك بالمره
مع اني كل يوم أحاول أشغل نفسي بحاجة جديدة

لكن النسيان شي أكبر من عزومي ومني
يا شريط بذاكره راسي وراسي يستعيده

ويش أقول و وش تقول ليا سألوا عنك وعني
مابقالي لأجل أجاوبهم ولا جمله مفيده

أتمنى رجعتك ولا معاي إلا التمني
والتمني للفقير اللي جلس على الحديده

إبتسامة طفل جنب أمه يصلي صبح عيده

أنت ياللي منك دموعي ومنك ضحك سني
ماقدرت أذوق بعدك طعم الأيام السعيده

في وجودك يختلف وياي حتى طعم بـني
في يديك الملح والسكر تنقصه وتزيده

يوم حاولت أمسكك بيدي فشلت وخاب ظني
آدمي والآدمي ماهو بماخذ شي بيده

كل هذا ماهو بمعناه مابيك امتهني
دايم أدعي لك لو يديني عن يدينك بعيده

حبي أكبر من طمع نفسي بدنيا في تدني
الطمع ما زود ابنادم ولا نقص رصيده

كل يوم أخط صفحه يارساله ياقصيده

مابقالي من حبيبي شي يرضيني لكني
بتشرف وأعتبر نفسي رساله في بريده

وأنت حاول ماتواخذني على إزعاجي لاني
كلما قفلت موضوعك بدا قلبي يعيده

إعرف اني متت فيك ليا دفني من دفني
والحقيقه يفعل الله ما يشاء وما يريده