كلمات أغنية من تحدى
- كلمات
- عبدالعزيز الحربي
- ألحان
- بدر الشعيفاني
نحب الملك والمملكه والابل والخيل
ونقرا عن التاريخ ونقدر اصحابه
خذو زبدة مزاين جبل طي يا رياجيل
ترى للفخر حربي وللقوم حرابه
عرفنا فلاح ابن شعوى معرفه بالحيل
على الاول الي كل ماراح له جابه
هذا والله اللي للعدى مثل عزرائيل
هذا والله اللي فاللقى كلن يهابه
خاطري مرهي السجه وراعي طويله
والنسانيس قام يدك صدري هواها
والطواري على بالي ماهي بالقليله
جت تبجح مع افكارن على مستواها
أترقب جديد الفكر من كم ليلة
فوق مزمومتن تبد الذيابة حجاها
شاعرن مثل هداج اسرف بـ سلسبيله
ما تقدمت غير لوقفتن ما وراها
وأزهلو مني إبداعن تحديت ليله
ليلة تاخذ احساس القلوب بمساها
اكوي الخصم ليننه يضيع سبيله
وان مدحت امدح اللي يحتمي للثقيلة
روس قوم على الطاله مايلحق مداها
ياسلامي على اللي جاب سرج الكحيله
راس قرم ليا جات المواقف حماها
يافلاح شعوي ياشوق ناقض جديله
الرياجيل تأخذ قدرها في لحاها
وانت من يكرم الطرقي وعابر سبيله
شمس صيتن تجلا نورها في ضحاها
شمس صيتن تجلا نورها في ضحاها
كل ليله مسوي يالسنافي جميله
و ان عطيت العطايا ماتدور جزاها
يوم مثلت ربعك ياحزام القبيله
النواميس قد عديت طالة سماها
جادة البل بحايل علم يوخذ دليله
جبت زين البكار اللي مايوجد حلاها
كل سندا طفاح ألها سبال طويله
فاهق نيها والغيم يلمس قراها
جبت شقحن على مثلك مهي مستحيله
وانت راع الفعول اللي ينومس نباها
على حزة الإقدام حنا هل الإقدام
ومن طاح فـ ايدينا عسى ربي يعينه
تبي صن ناخذ صن والحكم للحكام
وفـ الحالتين الفوز حنا سلاطينه
تبي هيمنه واعلام نطغى على الاعلام
تبي صمخ نوق الاطرف من ابلنا زينه
تراجع ورى ورى ليا شفتنا قدام
ياكم خصم قبلك نحرمه هقوة سنينه
نماري بشقحن ساقها للفخر مقدام
فلاح شعوى حي الله حجاجه وعينه
شجيعن من الصطوات مايرحم الاخصام
كريمن مثل وبل المطر مدة يمينه
تواريخ جدانه عليها الفخر قد قدام
سلايل عزاتن تلطم الخصم وتهينه
بدارين حرب اللي من يهوزها ينظام
رجالن حداهم هيبته ورث من جينه
وحرب الفخر والهيمنه ندر الاقوام
قبيله لنا تاريخن يطول تدوينه
حروبن ما نعرف لا تخاذل والا استسلام
نخوض الوغا هيبه ونظفر بـ اكاوينه