كلمات أغنية للرياض على الدزه

لاحكم ظلام الليل واسدل بجنحانه
تناوشت انا الملبور واخذتلي مزه

بنات الفكر تلعب عوابه وطربانه
ولا صدعت بالراس لونها تحزه

من اهل القصايد ساحة الشعر مليانه
لكن خل لك نظره ولا هي بمهتزه

رح اسمع من بيوته على الاذن رنانه
وتجنب عن اللي همه الشكل والرزه

موجه ومن ياقف على دربه يكزه

مسنده في لازم ومرخي له امتاانه
ماوجهت متمشي ولا رحت متنزه

لعينا رفيق يغذي الطيب شريانه
رفيقن نقدر خوته دوووم ونعزه

دعانا على حفلة عسى الله سبحانه
يزيده فرح وسرور واكرام ويعزه

من عيال حرب وحرب للطيب عنوانه
تقدم على المجد وتراهن وتجتزه

ليا قلت مسروح الكفو يبلع لسانه
واليا قلت سالم قامت ضلوعه تخزه

حمو نجد يومن المخاليق تبتزه

لاغار العدو طامع يبا نجد وحدانه
لا شافوه ماقالو منو ياي هالحزه

تساوى على الرقه لونه على حصانه
بسيفن يحول من على الراس ويجزه

من يشوف نفسه قدمهم يرخي اذانه
ياكم شيخ يرخي بيرقه عقب مارزه
رح انشد من يحفظ المناويخ وازمانه
لاتنشد من يتكي على مسلسة بزه