كلمات أغنية مخنوق
- كلمات
- محمود شوقي
- ألحان
- اسامة عبد الهادي
مخنووووووق
كإن قافل ميت زرار زانق على رقبتى
والضحكه محبوسه مابين همى وبين كبتي
وعنيا دابت رغرغه والفرح كان درس إتلفي
والحزن ماسك ميت شاكوش وف راسى نازل دغدغه
الفرح خلاص نسي عنواني
مع إنه هناك عند جيرانى
واستني يرن جرس بابي الاقيه بيتعمد ينسانى
انا شارب احلام مسمومه
عماله تموت ملهاش قومه
انا عايش اسخم فزوره وحلولها بقت كده معدومه
مخنووووووق
كإنى شايل كوم هموم كابس علي كتافى
والسكه مرشوشه بإزاز وماشيها وانا حافى
وروحى شبعت شحتفه وعلاجى ضاع منه الشفا
واليأس صايد قلبي صيد وطموحى مارد وإختفي