كلمات أغنية فين العيون

فين العيون

فين العيون اللي سابتني وشفت فيها نور الاماني
كلما مالت وراعيتني تجعل انيني كله اغاني
غابت وغاب عني خيالي وفضلت وحدي طول الليالي
واقول لروحي فين العيون

فين الشجون اسبح فيها واغني منها الحان هوايا
واخلي روحي تناجيها واشكي لحالي من نار اسايا
راحت وراح مني فوادي وفضلت وحدي حيران انادي
واقول لروحي فين الشجون

فين الظنون تشغل فكري وتخلي عقلي هايم شريد
وتخلي دمع العين يجري وبرضه قلبي راضي سعيد
ضاعن وضاع مني حنيني وفضلت وحدي اسمع انيني
واقول لروحي فين الظنون

فين الفنون اقطف منها واجني لروحي عذب المعاني
والفكر ليه شارد عنها وكل معنى على لساني
زالت وزال عني نعيمي وفضلت وحدي من غير نديمي
واقول لروحي فين العيون