كلمات أغنية تشوف اموري وتتحقق
- كلمات
- احمد رامي
- ألحان
- محمد القصبجي
- السنة
- 1926
تشوف أموري وتتحقق وبرضه مش عايزة تصدق
بانت لها غيرتي عليها وجست النار بإيديها
وشافت لها الميل بعينيها وبرضه مش عايزة تصدق
شكيت لها من طول سهدي وبان لها شدة وجدي
وشافتني بين الناس وحدي وبرضه مش عايزة تصدق
وسمعت العاذل بيقول ويعيد وأنا صابر مشغول
وبان لعينها ألف دليل وبرضه مش عايزة تصدق
إيه يعني لما تكذبني ما دام ضميري راضي عني
وازاي تشوف وتصدقني وهي مش عايزة تصدق