كلمات أغنية هروب اضطرارى
مكانش ده قراري مكانش ده اختياري
مكانش فيه قدامي غير هروب اضطراري
قالولي مش هتقدر قالولي مش هينفع
قالولي متحاولش متكملش لف وارجع
دي مش قصة حب
دي حكاية واحد كان عايش عادي وفجأة هوب
اتفتش واتكلبش واتدبس وحياته حصلها فوتوشوب
غريبة عجيبة يوم معدولة ويوم مقلوبة
واللي يعرف يسلك فيها يبقا فلت بأعجوبة
الدنيا يوم تنصفك يوم تخونك
فلو كل حاجة وقت ضدك مين يلومك
لماتاخد حقك وتدافع عن مبدئك
وتدور ع اللي ظالمك وتحاسبه انت بطريقتك
بس استنى الاول لام تحسها مع نفسك
ساعات بتهرب من الواقع والماضي اللي فاتك
لكن عمرك هربت عشان تنقذ حياتك
الموت على باباك ودولابك مليان اسرار كتير
تفضل مكانك ولا تاخد القرار وتطير
عايزين يلفقولي تهمة فبقيت هربان
لو كان طريق الصح غلط يبقا انا غلطان
منا كنت واحد عايش كده عادي ومش في دماغه
بقيت انا جيمس بوند وبقيت شيكاغو
كان نفسي اوصل لحلمي
كان نفسي ابقى نجم زي السقا والسبكي
كان نفسي ابقى حاجات كتير غير اني ابقى هنا
وهعمل اي حاجة بس مكنش كبش فدا