كلمات أغنية تعبان

تعبان من وجع الدنيا ودمعي مغرق عيني
زعلان واخداني في موجها ومش عايزه ترسيني
تايه مش لاقي السكه تعبت من الايام
ضايع مش عارف امتا انا هرسي لبر امان

موجوع وعيوني بتنزف دم وعيشتي خنيقه
ممنوع الفرح ياخلق يزورني ويجي دقيقه
ازاي مع ان في سكه مابيني وبين ربنا
لكن انا راضي مهما كانت حجم المشكله

يادموع امسكي نفسك ارجوكي متفضحنيش
خليني واقف على حيلي والنبي متكسرنيش
بكره ربنا يزرع دمعه الأفراح فيا

غلطان اللي يصدق دنيتنا ويمشي وراها
دي شيطان اخدت بأدينا وسابتنا في قلب متاها
ايام بتعدي علينا والعمر فيها بيتغير
احلام ضاعت مننا والعيشه بقيت بتحير

ضربه ورا ضربه انا مش لاحق اخد انفاسي
غصبن عني الحزن مدمر جوايا احساسي
مقهور وببان على طول قدامكوا ان انا كويس
مكسور وبقيت مقفول من الدنيا ومش متحمل

صحبي طمني وخليك جنبي ومتسبنيش
طبطب على كتفي ياصحبي وقولي ميشغلنيش
قولي بكره هتحلي وتحلو وتبقى جميله
علشان هيا مضلمه الرؤيه في عنيا نيله

واخد كام ضربه سيف وفي قلبه راكبله خناجر
عايم على بحر هموم والموجه يا أمي شديده
ماشي في طريقي معدول ولكن سكتي عنيده

يابا من بعدك غابت الأفراح جوه البيت
يابا من نومي بقوم مخضوض وبنادي عليك
حاسس ان انا بحلم واللي انا شوفت مش حقيقه
ساكت مش قادر افهم والروح في الحزن غريقه

حبيت اخلاصي اكمني انا عشت في عالم فاسد
مرديتش امشيها شمال واخربها ياصحبي مكاسب
شقيان قاصد الرحمن وسايبها انا على المولى
كسبان علشان كل اما تضيق مبجيش في محاوله

سلامات للي في شدتي ربطوا عينهم وودانهم
حكايات شوفتها منهم مع اني سويت احزانهم
تقدير ملكوش تقدير ويايا بربع جنيه
خلصت عيشكوا وملحكوا ع الدوغري انا دوست عليه