كلمات أغنية اليوم اللي مبيجيش

احلم بيوم تتهد فيه كل الحيطان
احلم بيوم تبقي فيه حُرّْ في أي مكان
احلم بيوم تحب فيه انك تعيش
احلم بيوم، باليوم اللي مبيجيش

فتح عنيك بص حواليك واسأل سؤال
وخلي نفسك ترد عليك
حياتك ماشيه صح؟ ولا حياتك متساويش
وهتفضل تحلم باليوم، باليوم اللي مبيجيش

عيش، عيش واحلم بيه، اليوم اللي فيه
تعيش الحلم اللي انت مآمن بيه
احلم بيوم العدل فيه يقدر يسود
احلم بيوم الظلم متلاقيلوش وجود
تدور على مكان جواك للكره ومتلاقيش
وهتفضل تحلم باليوم، اليوم اللي مبيجيش

عيش، عيش واحلم بيه، اليوم اللي فيه
تعيش الحلم اللي انت مآمن بيه