كلمات أغنية اديني دليل
اديني دليل واحد على حبك ليا وانا ارجعلك
اديني دليل على انك عمرك ما اتخليت
اديني دليل يقنعني استنى برغم انك عني استغنيت
ازاي جايلك قلب تقولي ارجعلك بعد ما غشتني
ارجعلك بعد ما بكتني ولا حتى على اللي ما بينا بكيت
ارجعلك ليه واغلب قلبي معاك على ايه
كل دة كان ليه وانا ايه اللي رماني على التوهان
مالقيتش في قربك غير تعبي
ملقيتش في قربك غير احزان
استحمل ليه مع واحد عايش يئذيني
يكسر قلبي ويرجع بيقولي وحشتيني
يعمل شاعر يتغزل في قصايد ليا
اوهام وكلام ومفيش ولا فعل
يخليني اختاره واسيبه في لياليا
بكفاية كلام ع الحب وايامه الحلوة
كلها بدايات اول ما بيضمن انك ليه
ييجي عليكي يهمل فيكي
مايقولش استني وخليكي ماهو ضامن انك مش ماشية
ماهو ضامن انك باقياله لكن ناسي ان كرامتك فوق
مسكين وامه ماهيش داعياله
دي كرامة الست اللي يدوسها جاني على حياته وعلى راحته
والست الجدعة ماتقبلش قلبها للحب يكون شاحته
اللي يحبنا نملى عيونه نملى حياته وقلبه ويومه
يدينا مشاعر مابتخلصش ياخد قلبنا جري يصونه
اللي يحبنا مابيهملناش ولا حتى يفكر يجافينا
ويشيل الحزن ان كان فينا يبقالنا في وقت الخوف مأمن
يبقالنا حياة وبيت وسكينة
احنا مانقبلش نكون فترة ولا ذكرى هتخلص بالايام
احنا بنفضل في القلب علامة ودايما بنكون استفهام
بنسيبك تسأل ليه مشينا ونسيبك تتمنى تجينا
بنسيبك من غير ما نعيبك وانت اللي مقرر تجافينا
واراهنك لو تعرف تلعب مع ست تحبك وتودك
لكن كرامته ماتسمحش انها تقبل مرة هزيمة
عقلك جايبك تكسر واحدة اديتك العمر اللي معاها
يا غشيم دة الست اللي تحبك
قسوتها عليك هتكون ياما
ماتجيش تتحدى اللي تحبك علشان هتعيش في الدوامة
واحنا مانقبلش نكون عبرة
الدنيا ادتنا على قفانا والحب اذانا وخلانا ناخد خبرة
مانتاش قد الحب يا قلبه
ما انتاش قد الاخلاص طب ليه
تدخل في حياة حد اساسا وتكسر فيه
لو فاكر اننا بنسامح بنسامح لكن مابننساش
والغالي مايقبلش يكمل مع ناس ببلاش
واحنا مانقبلش نكون ذكرى ولا سد خانات
وانا قلبي عزيز ومايقبلش غير كل عزيز لو في العلاقات
واحنا اللي يصونا مابينسبهوش
ولا نقبل عنه كلام فاضي
بس اللي يبيعنا ويكسرنا دة في نفس اللحظة يكون ماضي
احنا ماننساش بس انت نسيت
احنا منئذيش بس انت اذيت
احنا مانسمحش نكون فترة وانت اللي بديت
فازاي جاي تقولي ارجعلك
اديني دليل على انك عمرك ما اتخليت