كلمات أغنية صاحبة عمري

عندي صاحبة فالزمن ده صعب تلقي منها
دي اللي واقفة جنبي ساندة وع السر تآمنها
لو زعلت حاسة بيا قبل حتي ما احكي
وف ثواني تيجي ليا تجيب معاها ضحكي
صاحبة عمري وجنبي تملي
صافي القلب ومش بتشيلّي
اطلبها ف ثانيه بتنزلي
وبتعملّي اللي يفرحني
المشكلة قبل ماتوصلّي
بتخلصها وتيجي تقولي
حتي اما أغلط بتطبلي
ومابيني وبينها بتنصحني

دي عايشة طول حياتي
تدوس عاللي مضايقني
وبدعي طول حياتي
يارب ماتفارقني

عندي صاحبة ماسكة فيا مهما بِعدو عني
كله يمشي بس هي فقلبي وحتة مني
لو فوسط ناس بلاقي المكان ناقصها
عُمر حد ف الغلاوة عندي ماينافسها
كم حدوتة وكم سفرية
وخروجة ولف ب عربية
نزعل نفرح في اغنية
بالايام دي بتفكرنا
صاحبة عمري وأمي وبنتي
بتعليني وحاسه بقيمتي
وهتفضل روحي وأنتيمتي
ولا في ايام هتغيرنا