كلمات أغنية من اول السطر

كل اللي مستنيني اقع
ويشوفني بندب حظي
او يشوفني مقهورة
احب اقوله من عشم
ابليس في الجنة

انا توبي ابيض مافيهوش بقع
لا في راسي بطحه فهتكسف
ولا عيني مكسورة
مش وصلاله الصورة
كل الحكاية دمعنا اوقات بيخونا

ربنا ما يضيعنيش
واللي اتعود يرفع راسه
اتعود ما يوطيش

انا مهما كنت اكيد بشر
في حاجات بتوجع قلبي
او بتسيبني مصدومه
وبقول لنفسي اجمدي
اياكي تنهاري

تعبي وشقايا وسنين سهر
مش هتمحي بجرة قلم
ولا اعيشها مهزومه
خدوا عني معلومه
كل اما بيزيد الوجع
بيزيد اصراري

ربنا ما يضيعنيش
واللي اتعود يرفع راسه
اتعود ما يوطيش