كلمات أغنية يا بحر

يا بحر جيتك و انا من بعد ما جيت الثمامه
شيل عني ثقل همي مثل ما شلت السفينه

يا بحر عندي ترا كل شي يهون الا الكرامه
الكرامه راس مالي و الردي عادي تهينه

يا بحر جعل الكفو دايم و هو عالي مقامه
يا بحر من هو سواته جعل تبطيبه سنينه

يا بحر بشكي لك الظروفي و باطش العمامه
كثرت همومي على قلبي عسى ربي يعينه

الحمول الكايده منها غدت نفسي حزينه

كل ما حطيت راسي ابتدت حرب الرغامه
هاذي غاره من شمال و هاذي غاره من يمينه

و ابتدى ليلن على العشاق ما يرحم ظلامه
و هب نسناس الجروح اللي لها ذكرى دفينه

كل ما قلت انا ابنسى شدني صوت الحمامه
و ذكرتني بالحبيب اللي رحل صوب المدينه

راح و قفى في طريقه ثم قطع عني سلامه
راح و قفى وقفت الفرحه و حلت بي الغبينه

انخذلت و كل عاشق لنخذل عاش بندامه
من يعوض قلبي اللي ما عرف طعم السكينه

العواذل لعن ابوها فرقت بيني و بينه