كلمات أغنية وصاله دواي

نصايح مسمين المحبه طريق التـيه
ما تأثر على فكري وقلبي هو القاضي

لو أن طبعي أجامل راعي النصح ما أخطيه
يبقى النصح في شرع المحبه حكي فاضي

نتايج غرام اللي سبى القلب وأسرف فيه
سبى القلب وأنا قادره مير متغاضي

تربع على عرشه بعلم وخبر راعيه
بزعمه هذي مملكته شعوب وأراضي

له الحق فيما يفعله حاضر وماضي

تولعت فيمن زينه اليوسفي مطغيه
وسحايب وصاله عيـت تبلل فياضي

على قل وصله عاذره وأعشقه وأغليه
وصاله دواي وبعده يجدد أمراضي

له اللي مضى مالعمر و الحاضر وباقيه
فداء خاطره يا جعلني فيه ما اعتاضي

يالبيه يابعض المخاليق يالبـــيه
اجيء له وأنا زعلان وأرجع وأنا راضي

فعسى من وعدته دامني حي ماأخليه
يهييـه رب مالك سبـع عراضي