كلمات أغنية شيخة الغيد

فكـرة من عصيـر وهـي تـراود خيالي
ليـن ليلي جلاه الصبح وادبــر عتيمـه

هيضتني وانا شاعر وصـدري شمالـي
يوم هـب الهوا البارد طـرقني نسيمـه

قلت أغني مدام القاف جاله مجالي
دافعـه شـوق لعـيـون الفـتاه العظيمـه

شيخــة الغيـد بنت معـربين الـرجـالـي
بيني وبينهـا حـب وميانـه وشيمــه

حــرة بالــوصوف وبالمبادي عــديمـه

درتن تستحق ارخص لها كل غالـي
والله انها على الدنيا هي اكبر غنيمـه

جودها من يمين وطيبهـا مـن شمالـي
والله إنهـا حياة العمـر وإجمل نعيمـه

اللي اثرت حياتي بالحيـاء والجمـالـي
قربها لي دفاء وبجمرة القيض غيمه

قبلهـا طافت سنيني وحـيـد لحـالـي
ويـوم انا حـزتـها طابت جـروح قديمه

كنت ضامي غلا واروت عروقي زلالي
جددت مافنى بالقلب واحييت هشيمه

والله إني لهـا لو كان عمـري قسيمه

هـي مغـن القـصيد وشمعتي فالليالـي
دونـها مـاشـعرت للـذة الحــب قـيمـه

حملتنـي جمايل مـا قـوتهـا الجمــالي
يا عسى زولهـا بعيـوني الله يـديمــه

وقفـة ما تزول ولـو تـزول الـجبـالي
كيف أبنسى جمايل وسط قلبي مقيمـه

لجلها كم جرعت المر واقـول حالـي
ماتراجـع وولو ان العـواقـب وخيمـه

ماحسب لزمن لوكـان مانيب سالـي
ابـتسم لـو مـحاديب الحـنايا حطيمـه

الخلاصة حشى ما مثلـها شخص غالي
وما بقى في هواها وادي لأجل أهيمه