كلمات أغنية خوية البال

مرت ثلاثين من عمري وانا في رجاه
الغالي اللي رماني للسهر والحنين

قلت الغلا سيفن مجرب وجرب غلاه
طعني بنظره وطعني بكلمتين

لاياوجودي وجود اللي مايلقى عشاه
الارض خابر مافيها جنه وحور عين

يامن دعيت اذكر اسمك في سجود الصلاه
مايسقط اسمك سهو في كل سجدة جبين

ياكم ذكرى قديمه للقصايد كمين

ايامنا الماضيه والعمر فـ اول صباه
من يقدر يرجعه لو كان بالاحمرين

احبك اللي ماقيلت تحت كم العباه
ياكثر ماقولها ومن الحيا تسكتين

ياهي مصيبه شعوري ماعرفتي ولاه
احاول اذكرك مدري متى تذكرين

كنتي شريكة عمر واليوم قلبك صفاه
مثل ظلالي اشوفك واقرب وتبعدين

ابيوتي اللي منول تلفت الانتباه
صرتي تشوفينها بعيونك بيوت طين

كابرت مره وصرتي دايم تكابرين

ابتغاضى وكل واحد يعدل خطاه
يرضيني ادنى عذر ماهوب لازم سمين

انا في وجه الوفا واللي ماتشقر عصاه
لاترخصيني لاجيتك طايح امن اليدين

كرامتي عمري الثاني وانا فالحياه
خليني اموت مره ماهو ب مرتين

مصيري اكتب على ظهر القصيده وصاه
للحبنا اللي مايعرف سره الا ثنين