كلمات أغنية جيت لكن

جيت لكن كل شي حلاته بأوله
مايفيد وينفع العذر مهما يحتوي

وش تبي بالخاطر اللي سلا عنك ودله
شاف ماعاف وطوى صفحه الماضي طوي

عالج جروحه بعزم وثبات ومرجله
مارجى وقفه معرفه ولافزعة خوي

كان جابك داعي الحب حاول تسأله
ليه قصر عانق السحب مبناه يهوي

ارتفعت ونزلك واحد حيله قوي

والغريب انك تصاغر خطاك وتجهله
مير ماكنك سلكت الطريق الملتوي

والا انا مالي خبر بالشقا والمهزله
شف يدي من هاك الايام كاويها كوي

حملي اللي شلت من طول هجرانك شله
ومثل ماعليت خلك تعل وترتوي

رح وانا ماني بشرواك مربوط الصله
عزتي يشمها الذيب الاسحم ويعوي