كلمات أغنية يا غزال الدار
- كلمات
- حمد بن سرحان الغفلي
يا غزال الدار يا الغالي الجفول
ذبت كلي فيك لو قلبي جبل
لك وقف نبضي وفي عيني ذهول
إنت بدر في مسا عيني اكتمل
خطوتي ثقلت وأنا طبعي عجول
ضاقت أنفاسي وفي صدري ثقل
خافقي يقرع كما قرع الطبول
وسط جوفي من حلاتك يحتفل
كل شي فيك فاتن يا خجول
فيك ورد الحسن ما يعرف ذبول
من جماله الطير أقبل والنحل
يا جميل العود والطرف الكسول
صابني سهم من الدعج النجل
في عيونك ليل وأسرار وفصول
ضاع فكري بين رمشك والكحل
ضحكتك مزنة تبشر بالهطول
أورقت في يابس ضلوعي أمل
لك بعثت أشواق مع قافي رسول
صوب دارك يا مرادي بالعجل
راكب م الهين لي تقطع رمول
تطوي البيدا على جمر الوصول
لين عندك يبتدي عمر الوصل
ولو ألف الكون في عرض وطول
ما لقت عيني لزينك من مثل
إنت بحر الزين لي مليان لول
وكل موج دون موجك يضمحل
والقصيد العذب في بالي يجول
لا حضر وصفك تعملق وارتجل
إنت دعوة قلب في ساعة قبول
وإنت أجمل ما تمنيت وحصل