كلمات أغنية اغلي تراب

ياحلوة البلدان ما غلا ترابك
يالولوة منج العطايا كثيرة

ماقد غلق في يوم بالخير بابك
اسنين نمشيها على خط سيره

هذاك زايد للسحايب رقابك
وخلاك نجمه في سمانا منيرة

ياموطن الاجداد من ما درابك
كلن شهدلك والفعايل كبيرة
.......
شوفي جنودك والعيون السهيرة

يامملكة لفواد كلن رضابك
امن وامان وخير ياعز ديرة

انتي فخر النا ومن مايهابك
مدا م حكامك بنفس الوتيرة

ع قلب واحد واليدين اتشابك
ع درب زايد كملوا في المسيرة
.........

وعيال زايد وثقوها نصابك
لين اصبحت الها معالم مثيره

حلوه ولكن من ينافس جنابك
بالمركز الاول وإسمج ينيره
الله عليج اليوم محلا ثيابك
تزهي بثوب العيد محلا حريرة

اتزيني ياحلوتي في شبابك
عاشت قيادتنا وشعبه نصيرة