كلمات أغنية قابع الشيل

ويلاه منك يا زمان الغرابيل
من سطوتك عرش القصايد تزلزل

حطمت في صم الصفا نصله الخيل
والعز في وجه المنايا ترجل

جيتك وسيف الشوق دمه هماليل
والقلب من سطوه غرامك تعلل

لحظك نحر وجه السنين المقابيل
والكبر في حضرت سموك تجندل

تحت اللثام جيوش حسنك تهلل

وعنقا سنا أنوراه بعتمة الليل
زاح الظلام وكامل الكون اشعل

وخصرا يميل ويسلب الروح بالحيل
والقلب من كثر التوجد تحلل

ورمشا توقع به جيوش وأساطيل
سل السيوف وللمنايا تعجل

لا تذبحيني بالسيوف المصاقيل
أنفاسي م الأشواق تطلع وتنزل

تبختري يا ام العيون المكاحيل
الزين في حضرت جنابك تذلل

وانتي في عيوني يا الغلاء بس لأجمل

يا ليت لوصالك دروب ومداخيل
لكن اشوف الحظ عني تعزل