كلمات أغنية في طبيعة ما
في طبيعة ما انتي ممغطة فالربيع
وانا نلقط فالبلوط نسهى فكي كايجري الما
وفي طبيعة ما انتي ممغطة فالربيع
وانا نلقط فالبلوط بقاي مبحلقة فالسما
والشمش مبوقصة وحنينة اخاي الريح هنينا
خليك غي بالهداوة تسوط بلا عجاج وبلا روينة
وا الزين تفكري الناس الملاح
للي مشاو و ماخلاو مايتسال
من غير نكهة فالبال بنينة وا الزين
وا الزين دابا يطيحو برياح اللوجيك
نهار يذوقو من كاسو سيك يجيو يسحاو فجنبينا
وجيتي ما جيتي رجلينا طوالو طوالي طوالي
وقرجة و شادينها طوالة وكلشي ماشي و يشالي
العقبة تنادي وباقي شي جهد ولا والو
سوفلي شمر وبالي
نساي العياشة والخواشة والغشاشة وقاع هادوك
نساي الموضة وقاع الحموضة وقاع القرودة صحاب الباروك
وا الزين وا الزين وا الزين وا الزين
وفي رواية اخرى تخايلت حب وتبن وذرة
ما كاينة لا نتي لا هوما لا طبيعة لا مجرى
والشمش كاشفة و حزينة وانا فبيتي فالمدينة
حاولت غي على دوايا نصوم
ما بغيت نشرب الكينة
كي الزيت تقولب الما وتطلع الفوق تطلع الفوق
هلاوس دايرة للحقيقة قوق وليا تبلبيلة كي الزيت
وا شيت غايتفرقع راسي
غانتصنقع و غانرقع تا غانعقر الخيط
يتزعزع نتبجع نتفعفع ونطيح وباقا الطريق طويلة
وجيتي ما جيتي رجليا طوالو طوالي طوالي
وقرجة وشادها طوالة وبوحدي غادي ونشالي
العقبة تنادي وباقي شي جهد ولا والو
سوفلي شمر وبالي
نساي العياشة والخواشة والغشاشة وقاع هادوك
نساي الموضة وقاع الحموضة وقاع القرودة صحاب الباروك
وا الزين كي الزيت وا شيت وا شيت وا شيت