كلمات أغنية اقلط يابن لبدان

الله يعز اللي ينجون الدخيل
والمملكه حكامها وحصونها

ال سعود الي تعدل كل ميل
وشريعه الله والعدل قانونها

ملوك الارض الي تهجد من يعيل
وجبالها ورجالها واركونها

مورثنا في ظلهم ماله مثيل
ارضه يشعشع بالمفاخر كونها

والناس ترقب ساعه يبغونها

اقلط يابن لبدان يالسيف الصقيل
فيك ال مره ما تخيب ظنونها

عوايدك ياراعي الباع الطويل
لاجيت عدوانك تجن اجنونها

الكل منهم ينقلب ضحاه ليل
حتى الصلاه تفوت ما يصلونها

نسمع لهم عقب مهايطهم عويل
صرت ادعوه مع الدعاء يدعونها

ينبيهم الحاضر عن الماضي الجميل
وحقايق ن يبطون ما ينسونها

وفي جيتك لامال ما يبنونها

ياصحابنا كل وله قدر جليل
حنا المعزه فالصدور انصونها

نقدر الطيب راعي الفعل الجزيل
ولا الضعوف الله يكون بعونها

ما عتادت السنا على الهرج الهزيل
نكرم عن الهونا ومن يشرونها

الرجل هرجه في جبينه له دليل
معالم كل العرب يقرونها

ودك يجي فالرجل في لامر الثقيل
حميه في عيونه ايشوفونها

لا يجرح الطيب ولا يجاري هبيل
وحساده يذر الكحل فعيونها

ياهل التحدي كان تبغون الذبيل
احلامكم بالفوز لا ترجونها

جينا وجيتنا تشيل القاع شيل
منها العدا ماهي تطيب غبونها

محوالنا تصبح به العالم رحيل
يبطي زملها ماجتمع بضعونها

حن اهل الافعال والهرج القليل
لا ركبت الجمره على غليونها

ينوب عنا صامل يبري الغليل
وفعايله فالساحه تعرفونها

تحكي بها لاجيال جيل بعد جيل
وامجاده افعال الفخر عربونها

العود لامن قام سوا المستحيل
وشلفا يمينه ماتخاط طعونها

حضوره ايبري عميل من عميل
ويحد صاحيها على مجنونها

الى شريتو السمل بشهود وكفيل
يشري من خيار الجهاام عيونها

مجرب لاهو بخيل ولا ذليل
ودايم ورى الهقوات ماهو دونها

الى نوى ما عاد ياقف له قبيل
له قوه لاحزاب ما يقوونها

ان غاب يبقى فعله وطاري فضيل
وان جاء خذاها وانتو تشوفونها

من سطوته يقدم على الجمع المهيل
وله هيبه روس العرب يدرونها