كلمات أغنية حرية

مش منطقي اني اكون لسه موجود هنا النهارده وبتكلم
انا عمرو
ودي قصتي مع المخدرات
الحكاية
الحكايه بدأت لما واحد صاحبي قالي يلا نجرب
كنت واثق فيه ومش شايف ان بداية الموت بتقرب
روحنا بيته رفع كمه صاحبي دراعه كله مخرم
اتخضيت من المنظر بس برضو عندي فضول اجرب
صاحبي سحب سلك شاحن ربطه علي دراعي
اكتشفت ان نص صحابي في الأساس افاعي
صاحبي صب السم في جسمي في ثانيه انا مابقتش واعي
ومن ساعتها اترسم ليا طريق عمره ماكان بتاعي
مخي مش فاهم في ايه
واقف مش حاسس بشيء
كل احساس بالذنب عندي اختفي في ثانيه وغمضة عين
واما فتحت عيني فقت علي سواق بيقول يا بيه
انزل احنا تحت البيت
مالك مش فايق في ايه
افتكرتك مت يابني بصحي فيك بقالي ساعتين
شفت في عينه نظره كانت نظره تحمل معنيين
واحده موت وواحده خوف وانا كنت السبب في الاتنين
وطلعت بيتنا نمت اول مره انام بسرعه
وده كان تأثير الجرعه
ومن كتر ماكنت مرهق
وحلمت ان كل أحلامي قدامي ومش بطولها
وعيني كل اما تشوف نور الدنيا تطفي نورها
معترف بالهزيمة الدنيا عملت السليمه
في اعترافنا قوه لينا بيرسينا علي المينا
كنا بنكدب علي نفسنا مابيعملش قيمه لينا
وبعد شهرين ضرب حياتي انهارت سنه سنه
صاحبي بقي يكلمني يوماتي نضرب عنده ده سر بيننا
لحد في يوم ماجيت قولتله يسطا انا اتخنقت منك
لسه شدتني في سكه ضاله يابني انت مالكش مله
وللأسف أدمنت
رجلي غرزت في الأسمنت
كل ما ابص في المرايا
بسمع صوت بيقول من انت
عارف ان انا الغلطان بس عمري ماتخيلت
ان هيجي يوم عليا واخد كاش من الفانز
مش مكسوف وانا بحكيلك صاحبي هي دي الرجوله
اخوك يا شقيق بطوله
جمعه قالي هز طولك
هتفضل تندم مش هتحل حاجه ودي السهوله
الاصعب انك تقف وتعترف لجمهورك بالصورة
قوم وهد سورك وغرورك
ادمانك زي ازاز وارادتك الطوبه المطلوبه
محدش هيقومك لازم يسطا تقوم بطولك
ولما تقف تاني كل الناس والكون هيجولك
منطلق عالبيت
جوا قلبي براكين
جاي احكيلك مانا شقيت
كل ده حقيقي ياشقيق
كل شيء حكيته في الاغنيه بجد حصلي
ف لو روحك تايهه منك روح الحقها قبل ما تضيع
قبل اما تضيع