كلمات أغنية قدر قدر
قدر قدر والوقت حان وجيت انا اكتب شعر
وللشعر باب وهاجس الاشعار فكري طارقه
ياللي اسافر بك خيال وفي يدي شنطه سفر
اوادعك والقاك وعيوني بشوفك غارقه
تعال واسمع وش حصل وش صار في اقرب بشر
الناس تتصافح لكن قلوبها متفارقه
اللي ربح فيها ربح واللي خسر فيها خسر
و اكثر خساير هالبشر اهل القلوب الصادقه
وين الفرح في دنيتي من رحت ما له اي اثر
حتى شوارع غيبتك تبكي معايه ضايقه
راح الوفا في غيبتك والليل ضايع له قمر
والليل طال بغيبتك ومافيه شمس شارقه
لانك انت في ضما عمري مثل غيمه مطر
غيمه كرم مرت وفا على النخيل الشاهقه
اضما معاك بعزتي لو كان غيرك لي نهر
اضما ولا منه بخيل يعلني افارقه
اعيش بك ذكرى غلا مانساك لو طال الدهر
ولان روحي وعيني الثنتين شوفك عاشقه
انت الغلا واجمل غلا مانساك لو طال العمر
ولان ذكرى طيبتك عاشت بروحي عالقه
يا اغلا اسم في دنيتي يا در يا حص البحر
ضميتك بمخمل فواد من سنين وغالقه
القلب لك روضه غلا والعين لك قصر ومقر
وكل لحظه مره عليا دونك انت حارقه