كلمات أغنية ماعرفتك

ما عرفتك يا غرامي ما هو انت اللي عشقته

حتى وجهـك والملامـح ما هي ذيك الأوليه

نظرتك قسوة عيونك تحكي شي ما نطقته

كــن روحك عافت ايام السنين العاطفيه

كل جرح بي زفرته كل حب لك شهقته

كل درب لك مشيته بالوله روحه وجيه

ما بقى بحـر من بحـوري لوصلك ما غـرقته

مدري وش أكثر أسـوي ما بقى بي مقـدريه

آه يا حلم حطبته في حناياي وحرقته

آه يا حب كتبته لين غنت الابجديه

كان قلبك ما يبيني قول يا اغلى من صدقته

كان عـينك ما تبيني قـول لا تكذب عليه

يوم قلبي جا لقلبك جـيت وياه وسبقته

يوم قلبك صد قلبي قلت راح اغلى البريه

ما بقى بي إلا انت وكل شي مني سرقته

خذت حتى كبريائي في الهوى والنرجسيه

ما هو انت اللي تعلـق في حناياي وعشقته

ما عرفتك والا يمكن ما هـو انا الاوليه