كلمات أغنية ويل

ويل اللي عشق له شمس
وين عنها وهي وين
شعاع يوصل لقلبي
ومدري كيف ارقى لك
ومالي غير ادفى بك
ونورك كل صبح يبين
امانه لا نويت غروب
ابفتح صدري منزالك

اشوفك مقدر احكي لك
لكن في سواد العين
نور يضوي بحبك
وعاشق يطلب وصالك
وصبري صبر من يرجيه
عسى هذا الزمان يعين
خايف لو حكى يندم
ولو يسكت غدى هالك

ابد لا ما حسبت العمر
كثر اللي مضى بسنين
حسبته بضحكتك حكيك
وحلم بلحظه قبالك
صحيت ونامت احلام المسا
وشفت الحقيقه زين
عرفت انك هنا لحالك
تعيش في قلبي لحالك