كلمات أغنية كف الفلاحي

هلت مزون السحب من بارقا لاح
وضحت عدود الدار منها جراحي

كفيت يامحسن عسى يدينك صحاح
اكرمك ربي يعل ذنبك مباحي

يالشيخ ابوسلطان والمجد صداح
يالبيرق اللي في سماء العز لاحي

لاشفت مداتك كما الغيث نضاح
ذكرتني مدات كف الفلاحي

يكرم كرامت ذاريات الرياحي

اتدوم ذخر الصف وذراع وسلاح
ومذرا من صدوف الليالي سناحي

انهدك بوجه العضيلات سفاح
ينسل قوما مكرمين السلاحي

اهل السيوف الحدب وشلاف ورماح
واهل الوجيه المسفرات الفلاحي

لك مجلس تلقابه العود فواح
ودلال صفرا منها الهيل فاحي

من جاه مهموما زبن فيه ورتاح
يلقاء بسلوت خاطرن وانشراحي

يروحه منه وكل دربه سماحي

عندك لدرب الصعب مخرج ومفتاح
تدل دربه من جميع النواحي

كم الذي وده يجاريك ثم طاح
وكم الذي دونك قصر واستراحي

يامتعب بشبحك طويلين لاشباح
واللي تبع دربك عجز لايواحي

دربك عسير وفيه نشره ومرواح
ومسير ليله لين طلع الصباحي

تسلم يمين الشهم كساب الامداح
في ساعتن تبخل كفوف الشحاحي