كلمات أغنية طالق بالثلاثه

ولچ يادنيا طالق بالثلاثه
بعد ماعيش ويه اهل الخباثه

اريد العالم انساهم
بعد ماعيش وياهم

الوكت مو زين علاهم
يتگلبون خلاهم

بعد ماعيش يم ذوله
رجل للزين ذبوله
والموزين صفگوله

چا صار الغدر سوله
وهاي الناس تغدر بالوراثه
بعد ماعيش ويه اهل الخباثه

طحت بناس كلش بيه عالو
اگللهم متت عالخير گالو

هيچ الزين تاليته
يصير الموت امنيته

وصفر تلگاها نفسيته
وتلحگه الوجعه نص بيته

اسوي الخير واتلگه
بس اللوعه والخنگه

وروحي هواي محترگه
يادنيا ليش هالدگه

عشت يم ناس تغدر بالوراثه
بعد ماعيش ويه اهل الخباثه

شگد مزعوج من وكتي الحرمني
خله الميسوى اعلى مني

ولا چانت على بالي
يرخصوني لان غالي

ارجعت مكسور بالتالي
وبچه حالي على حالي

اذا نفس الطبع كلهم
ليش ارجع واصدگهم

شترجه بعد منهم
بشر عيب الوفه عدهم
بشر ياحيف تغدر بالوراثه
بعد ماعيش ويه اهل الخباثه