كلمات أغنية وقفة ناصية زمان

انت فاكر رمضان كان الناس بتـ
بتعلق زينة تعلق زينة
وبيتحط ساعات نشارة ملونة
كنت لسة هقولك عليها
وبيجوا بواحد يعمل فريم ابيض كدا بدقيق ولا بجبس ويرسم جواه ده كان فن
حبل النور فيشته كانت بتتوزع كل يوم على شقة
انت فكرتنى بدي دي كانت رهيبة برضه اه
ليها معنى كبير طبعا ماحدش يشيل لوحده
الطبق الى دايما طالع نازل فى كل شقق العمارة
اه طبق هو بيجيلك وبيترد وبتوديه وبيجيلك
وتعمل انت حاجة تملاه وتبعته وبيرجعلك تاني دي كانت جميلة
دلوقتى الموتوسيكل يخش ع البنت عليه تلاتة تلاتة اه يخشوا يقلبوها من شنطتها
ممكن يقرصوها اصلا اه من غير اى سبب ولا عملوا حاجة ولا خليوا من الـ
ولا خليوا من الحاجة
زمان البنت وهى مروحة كانت اول ما بتخش المنطقة
خلاص كانها دخلت البيت امان دخلت البيت بالظبط
والدار امان
الدار امان
فاكرين ولا
فاكرين ولا
ولا نقول كمان
وقفة ناصية زمان ادتنا ازاى نملك لسان
موزون بيلاغى الصايع والضايع والجنتلمان
كله سيان
قابلنا كل انماط جنس الانسان
واتعاملنا فاتبنى جوا الدماغ بوصلة وميزان
فى جزء الثانية بنعرف نفقس مين جدع ومين جبان
ومين بقلب مات واسود ومين قلبه بينبض حنان
ومين تشوفه تقول ده هادي ولو نكشته تشوف جنان
حتى الشقاوة ع الناصية كان ليها اصول
الخناق راجل لراجل مش راجل قصاد اسطول
كات وصمة عار كبيرة انك تضرب واحد من الضهر
حصل هيحصلك عارك ويوصلك للقبر
ماكانش العادى ان القوى بيكسر الاضعف منه
تحس الكل كان مؤمن ان القوي فى الاقوى منه
من اول محترم شقي حتى المجرم كمان
الكلام ده شفته بعيني فى وقفة ناصية زمان
كنا عزوة للحتة وقفتنا تحبها
ياما وقفات دلوقتي الناس تتمنى هدها
الفاظ شمال بصوت عالي و حشيشها فايح منها
ازاى ولاد الحتة يبقوا هما مصدر همها
قولي
كان ياما كان
وقفة ناصية زمان
كان ياما كان
وقفة الناصية اتعلمنا فيها كتير لغات
السغة لمون كانت لغة بنرغى بيها لساعات
لو فى غريب مابينا ومش عاوزين يفهم معنى الحاجات
ساسب حواجب سفهم يتنيل ساجع حالات
وفي كمان لغات جسد سبيل مثال
دى العيدية ودي الجيزة فوق الكوبري ودي الطالبية
ودى التلات طوابق الى ناسها مية مية
وده الهرم ودي نفض ودي صبرك عليا
وقفة الناصية كانت زى النادى تمام
اتعلمنا فيها هواية ان كانت كلاب او كان حمام
وقت الرغى فى الهواية مابيخلصش فيه الكلام
مافيش فلوس عادى برضه مابتموتش الاحلام
عملنا بايدينا ملعب غية وطبلية وجيم
الحاجة ام الاختراع اسعى اتوكل تتم
ماكانش فيه ايباد تابلت واتساب فيسبوك واكلينلى يومى
يومى كله كان خبرات بشر من الفجر لحد نومى
مش معزول ومنطوى قدام شاشات وبالساعات
لا وسط ناس ومجتمع بشارك فيه بكتير حاجات
ياما حلينا ع الناصية كتير مشاكل وحوارات
اخد الحق حرفة تبات ولعة وتصبح رماد
على وضعك يا عم مكى
يا ليلى يا ليلي يا عيني يا ليلي
منطقتى هى الطالبية
يا ليلي يا عيني يا ليلي يا ليل
يا ليلى يا ليلي يا عيني يا ليلي
يا ليل يا عيني يا ليلي يا يا ليلي
فاكرين ولا
فاكرين ولا
ولا نقول كمان