كلمات أغنية رهان قديم
- كلمات
- مصطفى ناصر
- ألحان
- احمد كامل
عايش بتوه تايه بعيش
مخلوقه ليه الذكريات مابتتنسيش
عمال أسكت قلبي وأكتم صوته فيه
والله يجازيها عينيا دي إللي مابتداريش
بكسب حاجات وأخسر أهم
يطلعلي جرح جديد عشان في جرح لم
أنا حتى روحي خسرتها في رهان قديم
عايش عشان قلبي يا دوب بيضخ دم
بنادي عليا طول الليل وطول الليل محدش رد
ببص على إللي فات أبكي وأبص على إللي جاي أتخض
كل اللي أنا حبيته وإتعلقت بيه
بلاقيني ليه مكتوب عليا إني أخسره
ولا لاقي راحه في ليلي علشان أسهره
كان نفسي يطلعلي جناحات وأهرب بعيد
لمكان مفيش جواه وجع ولا فيه فراق
لكن بخاف لو أطير أحس بخوف جديد
وألقى البراح إللي في سمايا عليا ضاق